Kıymalı taze fasulye-Qiymali yashil fasol

 

Kunlar isishi bilan bozor va supermarketlarda mavsumning yashil sabzavotları yana ham ko’payib bormoqda. Shulardan biri taze fasulye, ya’ni yashil fasol. Yashil fasol va unga o’hshash dukkakli sabzavotlar turk oshxonasida juda ko’p ishlatiladi. Birgina yashil fasol birqancha usulda tayyorlanishi mumkin: zaytun yog’li, qiymali yoki suyakli go’shtli. Har bir usul o’zgacha lazzatli bo’lib, men bugun qiymali yashil fasol tayyorladim.

Kerakli masalliqlar:

2-3 kishilik

  • Yarim kg yashil fasol
  • Yarim stakandan kamroq kungaboqar yog’i
  • 100-150 gr qo’y go’shti yoki mol go’shti qiymasi
  • 1 ta piyoz
  • 4 ta pomidor
  • Yarim osh qoshiq tomat (pomidorlar qipqizil esa tomat solmasa ham bo’ladi)
  • 1 ta sabzi (istakka ko’ra)
  • 3-4 tish sarimsoq
  • 1 osh qoshiq tuz
  • 1 choy qoshiq qora murch

 

Tayyorlanishi:

1. Fasollarni rasmda ko’rsatilgani kabi uchlaridan kesib tashlaymiz. Yarim barmoq uzunligida to’grab chiqamiz. Ba’zan fasollar tahir/achchiq ta’mli bo’lishi mumkin, shuning uchun fasollarni 10 minut suvda qaynatib suzib olamiz.

 

 

 

 

 

 

 

2. Piyozni mayda tog’rab, yog’da yumshaguncha qovurib olamiz (qizarishi shart emas) ketidan qiyma solib, qiyma suvi chiqquncha qovuramiz. Sabzini kubik shaklda, sarimsoqlarni esa mayda qilib tog’rab birga qovuramiz. Ketidan tomat solib qovuramiz.

3. Pomidorlarni po’chog’ini pichoq yordamida artamiz yoki qaynagan suvda 2 minut ushlab tursak po’chog’i onsongina shilinib chiqadi. Pomidorlarni qirg’ichdan yoki avtomat tog’rovchidan o’tqazib yuboramiz.

4. Tayyor fasolni qiyma bilan aralashtiramiz, ketidan maydalangan pomidor, tuz, murch va ustidan 1 cm oshib turadigan qilib suv quyamiz. Yahshilab aralashtirib yuboramiz. Past olovda 30-40 minut davomida pishiramiz.

Bu ovqat dimlangan guruch yoki bulgur oshi bilan birga tortiladi.

 

 

Like!
2
You can leave a response, or trackback from your own site.

Bu mavzuda bir sharh yozilgan “Kıymalı taze fasulye-Qiymali yashil fasol”

  1. Munira says:

    Eng sevimli taomlarimdan biri. Har safar tayyorlaganimda, buni orgatgan
    Alinani eslayman.

Sharh: