Shilpildoq

Rasmni ko’rib kimdir bu qozoqlarni beshbarmoq ovqati deyishi mumkin, kimdir yo’q, bu qirg’izlarni ovqati deydi, to’g'ri, bu ovqat beshbarmoqni eslatsa ham, bu taom ichiga qo’shiladigan masalliqlari bilan farq qiladi, ko’pincha Toshkent shaxrida tayyorlanadi, bizning uyda ot go’shti yoki mol go’shti, pomidor, qaynagan tuhum va kartoshkali qayla qilib tayyorlanadi. Har doim oilamizning eng sevimli taomi bo’lib kelgan. Balki bu retsept silarga ham yoqar deb blogda yozishga qaror qildim. Masalliqlarni tahminiy yozaman, chunki odatda ovqatlarni tahminiy o’lchab solaman, shirinlik va pishiriqlarni esa aniq o’lchovlarga ko’ra pishiraman.

Hamiri uchun:

Un, tuhum va tuzli suv bilan hamir qorib tindirilib qo’yiladi.

Qaylasi uchun.

Katta qozonda ot go’shti yoki mol go’shti oldin baland olovda qaynatib, ko’piklari olinib keyin past olovda miltillatib qaynatib qo’yiladi.

Alohida qozonda 1-2 kartoshka, tuhum, sabzi po’chog’i bilan qaynatiladi, pishib chiqqandan keyin suvdan olib sovutiladi.

Tovaga yog’ solib, piyoz, ko’pgina pomidor yaxshilab qovuriladi, tuz, murch, ziraz solib, ustidan qaynab chiqqan go’sht, tuhum, kartoshka, sabzi to’g'rab solinadi va ozgina yana pishirib, olovdan olinadi.

Hamirni olib, 2-3 mm qilib yoyib 5x5cm qilib kesib, go’sht pishgan suvda pishirib olamiz, pishgan hamirni tarelkaga solib, ustidan qayla solib, dasturhonga tortamiz.

Yoqimli ishtaxa.

Sizning uyda bunday taom pishiriladimi, siz qanday tayyorlaysiz?

Like!
2
You can leave a response, or trackback from your own site.

Sharh: