Vinegret salati

Vinegret salatini bir qancha retseptlari bor, men odatda bu usulda qilaman. Kimdir loviya, kimdir qaynatilgan sabzi yoki qaynatilgan tuxum ham qo’shadi, salatni boyitish o’zingizga havola. Salatning eng asosiy masallig’i bu tuzlangan karam (Русча квашеная капуста). Achitish yo’li bilan tayyorlangan karam juda foydali bo’lib, oshqozon mikroflorasini yaxshilaydi, lavlagi esa temir moddasiga boy bo’lib, anemiyaga qarshi kurashishga yordam beradi.

Kerakli masalliqlar:

  • 1 dona lavlagi
  • 1 dona kartoshka
  • 1 stakan karam tuzlamasi
  • Yarimta o’rtacha piyoz
  • 2-3 choy qoshig’i zaytun yoki kungaboqar yog’i
  • 1 qoshiq sirka

 

Tayyorlanishi:

Kartoshka va lavlagini qaynatib, sovutamiz. Sovugandan keyin po’chog’ini artib, 0,5cm qilib kübik shaklda to’g’raymiz, bir tog’orachaga solib, ustidan karam, mayda to’g’ralgan piyoz, yog’, sirka solib aralashtiramiz.

 

Like!
0

Tvorogli pechen’ye

Borgan sari kam yozib, borgan sari retseptlarim ham onsonlashib ketadi shekilli bu ketishda:) Tvorogli pechen’yelar ham onson, ham foydali, ayniqsa tvorog yemaydigan bolalarga yedirish uchun yaxshi pishiriq. Davomi »

Like!
15

Yumurtalı ıspanak-Tuxumli ismaloq

Dunyoda turk halqichalik ismaloq yeydigan halq bo’lmasa kerak. Men ham Turkiyaga kelib ismaloq yeyishni boshladim, Toshkentda 21 yoshimda ismaloq yeganimni eslayman, undan oldin uyimizga hech kirmagan ekan. Ismaloqni kitoblarda ko’p o’qigandimku lekin nimagadir hech pishirmagan ekanmiz. Ismaloqli somsadan boshqa taom bilmas edim. Turkiyada esa, ismaloqni somsasini ham, ovqatini ham, salatini ham qilishadi. Tuxumli ismaloq ham eng ko’p pishiriladigan taom turlaridan biri. Pishirilishi juda onson, ham foydali ham to’yimli. Foydali tarafi ismaloqda ko’p miqdorda temir moddasi bor. Davomi »

Like!
9

Limonad

 Yoz ham kelib, kunlar isib ketdi. Jazirama issiqda muzdak ichimliklar ichgimiz keladi, Toshkentda hovlimizdaki mevalardan kompot qilib, sovutib ichardik, eng ko’p olchali kompot qilardim, İzmirda esa olcha topish qiyinroq, lekin limon mo’l ko’l. Oldinlari hali tayyor gazli ichimliklar bo’lmagan paytda Turkiyada yozda salqinlash uchun limonad tayyorlashar ekan, hozir esa ko’pchilik tayyor gazli ichimliklarni sotib oladi, lekin gazli ichimliklarni zararini biladigan odamlar hali ham uyda limonad tayyorlashadi. Siz ham tabiiy ichimlik yoqtirsangiz, bu limonadni tayyorlab ko’ring.

Shakar miqdorini ta’bingizga qarab o’zgartirishingiz mumkin, bolalar uchun ko’proq shakar solsangiz bo’ladi. Davomi »

Like!
2